Plantun de Prouvènço

Pèr coumpara dos planto d'encò nostre

Vitis riparia x Vitis rupestris & Sagina apetala subsp. apetala

Lambrusco(-bastardo)

Vitis riparia x Vitis rupestris

Vitaceae

Àutri noum : Trihiero, Vedigagno, Vigno.

Nom en français : Vigne hybride.

Descripcioun :
Aquesto lambrusco, de tèms counfoundudo emé Vitis riparia, se vèi proun en ribo d'aigo, dins li ripisilvo, ounte escalanto d'en pertout. Se recounèis à si fueio quàsi sènso péu dessouto (aleva contro li bifurcacioun di costo) e qu'an tres dènt quàsi paralèlo emé un "sinus" de pecou mens prefouns que la vertadiero Vitis riparia que sèmblo gaire se naturalisa. Es uno bastardo naturalo nascudo en Franço emé de vigno vengudo d'Americo pèr lucha contro lou filóussera. Sarié degudo à la poulinisacioun de V. riparia, "Gloire de Montpellier" pèr V. riparia " dóu Lot".

Usanço :
Coume pèr lis àutri lambrusco, li fueio dèvon èstre vertuouso pèr la circulacioun dóu sang (cambo lourdo e moureno), soun peréu astringènto e diuretico.

Port : Liano
Taio : 0,5 à 4 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Vitis
Famiho : Vitaceae

Ordre : Vitales

Coulour de la flour : Verdo
Petalo : 8
Ø (o loungour) flour : 4 à 5 mm
Flourido : Printèms - Estiéu

Sòu : Ca
Autour basso e auto : 0 à 800 m
Aparado : Noun
Mai à juliet

Liò : Ribiero - Ermas - Ripisilvo
Estànci : Termoumediterran à Coulinen
Couroulougi : Éuroupenco-Sud
Ref. sc. : Vitis riparia x Vitis rupestris Tison, 2014

Sagino(-sènso-petalo)

Sagina apetala subsp. apetala

Caryophyllaceae

Nom en français : Sagine apétale.

Descripcioun :
La sagino-sènso-petalo es uno pichoto planto (2-10 cm) sènso péu, quàsi sènso petalo o di proun pichoto, emé de fueio primo. La subsp. apetala a si sepalo que rèston aplicado sus lou boursèu (fotò). Au contro de la subsp. erecta que trachis en vilo o dins lis ermas, aquesto rèsto dins li mitan primàri. Coumpara emé la sagino-aubourado que li sepalo s'escarton dóu boursèu.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 15 cm
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Sagina
Famiho : Caryophyllaceae

Ordre : Caryophyllales

Coulour de la flour : Brunello
Petalo : 4
Ø (o loungour) flour : 4 à 5 mm
Flourido : Printèms - Estiéu - Autouno

Sòu : Si
Autour basso e auto : 0 à 1200 m
Aparado : Noun
Abriéu à óutobre

Liò : Sablo - Tepiero sablouso
Estànci : Mesoumediterran à Mountagnard
Couroulougi : Paleoutemperado
Ref. sc. : Sagina apetala subsp. apetala Ard., 1763

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

RRR

ges

RRR

ges

Vitis riparia x Vitis rupestris & Sagina apetala subsp. apetala

ges

Coumpara Lambrusco(-bastardo) emé uno autro planto

Coumpara Sagino(-sènso-petalo) emé uno autro planto